SEHEJ PALON KI KAHANI: ZINDAGI

Zindagi…..
Yunhi daudte bhaagte kat jaegi ye zindagi
Aaj main hun
Tu hai
Kuch pal hai
Kyun na inn palon ko tu jee le
Ya fir bus yunhi jeena seekh le
Har din hoti hai ek nayi subha
Kyun na tu kar de apne gamo ko vida
Har pal mein hai thodi zindagi
Zara zara kar jeeta ja
Har lamhe mein hasin yaadein sanjhota ja
Hain musafir hum sab yahan
Kahege ek din ek duje ko alvida
Usse pehle kyun na thoda muskura lein
Aa milke zara khilkhila lein
Kehte hai kuch kho jaane par hi uski kimat ka ehsaas hota hai
Kyun na kiya,kyun na jiya….ye afsos fir  hota hai
Aaj tu hai yahan..
Tera aaj hai yahan
Apne sapno ko jeeta ja
Har lamhe mein zindagi ke moti pirota ja!
Yahan ant hai nishchit  sabka
Bus..kya kiya,kaise jiya
Se badal jaate hai zindagi ke maaene
To kyun na fir kuch aise jiyein
Ki saanse ginte samay jab palat kar dekhein
To nazar aaein vo saare pal
Hanste roote jo saath bitae thae
Par ant mein muskurahatein hi samet le aae thae
Zindagi ke safar mein
Hanso,muskurao…
Jee lo jab tak ho yahan!
kuch sehej palon ki kahani

Yahi to hai zindagi!
Advertisements